تخلیق ِ انسان میں اول : آدم یا حوا علیھما السلام ( معاصر جدید فکر کا مطالعہ)
Abstract
جب ہم نے فرشتوں کو کہا کہ آدم کو سجدہ کرو تو انہوں نے سجدہ کیا
عظمت ِ آدم کے اس اظہار میں قرآن کریم سے یہی سمجھا گیا ہے کہ اول تخلیق آدم علیہ السلام کی ہوئی اور اس کائنات میں سب سے پہلے انسان آدم علیہ السلام تھے ۔ حقوق ِ نسواں کی تحریکات کے نتیجے میں قرآن و سنت کی نصوص کی کئی قدیم تعبیرات و تفسیرات پر بھی سوال اٹھائے گئے اور تعبیر ِ نو کی کوششیں ہوئیں ۔ قرآن و سنت کے تناظر میں صنفی امتیاز کی تردید کے پیش نظر اٹھائی گئی کئی علمی مباحث میں سے ایک بحث" تخلیق انسان میں اولیت مرد کو حاصل ہے یا عورت کو "کی ہے ۔" دین ِ اسلام میں صنفی امتیاز کو تائید و تقویت نہیں دی گئی اور کتاب اللہ کی نصوص میں صنفی تفریق و امتیاز غالب نہیں "اس کا ثبوت فراہم کرنےکے لیے آیات ِ قرآنیہ کی تعبیرات ِ نو کی مساعی میں آدم علیہ السلام کی تخلیق میں اولیت اور حوا علیھا السلام کا ان سے پیدا ہونا معرض ِ بحث میں آیا ۔
